BetaPipol COVID19 drama oo!!
Yesterday, some man die and according to hospitul na COVID19 kill e. So mendem from Ministry of Health dey bury e dat very yesterday for some cemetery for New Bell.
For nite, the man e family membas dey go for dat cemetery, wit some bus, go dig the man e die body, carryam putam inside the bus. Just as dey wan kick off go, police kam catch dem. Some mendem squaler, but dey catch some of the family membas dem, plus the bus driver.
Dey say dey be wan carry the man e die body go witam for e village for West Region for go gi e befitting burial. Dey dey ngata now so di warm space for dey. Mendem from Ministry of Health dey las bury the man e die-body bak.