#BetaPipol so, dey finally bury Fotso Victor for e mansion for e Village for Bandjoun, dat yesterday. Papa P and e woman dey be send representative for the die. Plenty big pipo dem for gofmen and for wa business sector, dey be dey the die.
We hear say some of e woman dem and pikin dey deny for attend the die, bicos of the shaga shaga way be go on before the burial.
Before e wan die, Pa’a Fotso Victor be don make will say make dey use 2 billion frs of e money for make e die. Den, e be tok too say make dey bury e wit e mobile phone. So dey follow e orders dem. Dey bury e dat yesterday wit e phone.
Dat yesterday for e die place, wa gofmen be gi e rank as ‘Commander of the order of Agricultural Merit.’ Time way e be dey alive, dey be don already gi e rank as ‘Grand Officer of Valor’ and ‘Grand Cordon of the Cameroonian Order of Merit.’
Make Fotso Victor RIP 🕯