BetaPipol some remé way dey di call e say Inès Laure Nouamo Kamto na Chef Bandit for some action feem way di go on for Bafoussam now so 😅… Real life action feem!
Inès Laure na Medical Doctor. Ending last year, dey be sentence e to 3 years in prison for Bafoussam Central Prison, wit penalty of 47 million frs.
Why?
Bicos e be scam some business man way e name na Blaise Pascal Talla. For April di 2020, Jean De Dieu Momo too be go station go file case against the woman, say e scam e too, of 1.5 million frs.
The woman don dey ngata since ending 2019. Last week on May 13th, e nobi well. Dey carry e inside handcuff go witam for regional hospitul for Bafoussam dey. Nyango squaler !
Dey di find e now so, dey don declare e WANTED.
